МАЛ АЖ АХУЙН 2018-2019 ОНЫ ӨВӨЛЖИЛТИЙН БЭЛТГЭЛ ЗОХИОН БАЙГУУЛАЛТ, ЦАГ ҮЕИЙН АЖЛЫН ТАЛААР

Монгол Улсын Засгийн Газрын “Хөдөө аж ахуйн салбарын өвөлжилт, хаваржилтын бэлтгэл хангах зарим арга хэмжээний тухай” 218 дугаар тогтоол, тогтоолыг хэрэгжүүлэх зөвлөмж, ХХААХҮСайдын болон аймгийн Засаг даргын 01-04/06,08  тоот албан даалгавруудыг сумдад хүргүүлэн хэрэгжилтийг ханган  ажиллаж,  2018-2019 оны өвөл, хаварт 4 сумын 17 багийн 31 хот айл, 2589 малтай, малчин өрхөд хонин толгойд шилжүүлснээр 616.4 мянган толгой мал өвөлжиж хаваржихаар зохион байгуулалт хийж, нийт  59.1 мянган тонн  байгалийн хадлан бэлтгэхээр төлөвлөн хадлан өвс, тэжээл бэлтгэх ажлыг зохион байгуулсан бөгөөд нийт авах шаардлагатай хадлангийн 80,6 хувь буюу 46880 тонн хадлан бэлтгэсэн.

Бэлчээрийн даац хүрэлцээгүйн улмаас Сэлэнгэ аймгийн хил залгаа Сайхан, Номгон, Жавхлант, Ерөө, Баянгол, Мандал, Зүүнбүрэн, Хушаат зэрэг 8 сумдад 361 өрхийн 62,1 мянган толгой мал өвөлжиж хаваржина. Дархан, Шарын гол сумдын 240 өрхийн 36,1 мянган толгой мал өөрийн аймгийн Хонгор сумын нутагт өвөлжихөөр зохион байгуулалт хийлээ.

Бэлчээрийн усан хангамжийн хувьд нийт малчдын  94,9 хувь нь усаар хангагдсан бөгөөд 2018 онд малчид өөрийн хөрөнгөөр шинээр 2  худгийг,  орон нутгийн хөрөнгөөр 2 худаг тус тус гаргасан.

 “Мал өвөлжилт, хаваржилтын бэлтгэл хангах, шалгах, дүгнэх заавар”-ын  дагуу тус аймгийн мал аж ахуйн салбарын өвөлжилт зохион байгуулалтыг 9 үзүүлэлтээр дүгнэхэд салбарын өвөлжилтийн бэлтгэл хангалт 90,5 хувьтай байна.

Монгол Улсын Засгийн газрын 218 дугаар тогтоолын дагуу аймгийн аюулгүйн нөөцөд 30 тонн өвс бэлтгэн  ОБЕГ-ын харъяа нөөцийн  газрын хашаанд,  25 тонн малын тэжээлийг “Дархан өгөөж гурил”ХХКомпанитай бэлтгэх, хадгалах гэрээ байгуулан тус тус нөөцлөөд байгаа бөгөөд сумын аюулгүйн нөөцөд Дархан сум 50 тонн өвс, 20 тонн малын тэжээл, Хонгор сум 50 тонн өвс, 14 тонн малын тэжээл, Орхон сум 40 тонн өвс, 10 тонн малын тэжээл, Шарын гол сум 50 тонн өвс, 23 тонн малын тэжээл тус тус бэлтгэснээр сумдын түвшинд өвсний нөөц 93 хувь, тэжээлийн нөөц 66 хувьд хүрсэн.

Мал эмнэлгийн чиглэлээр: Мал эмнэлгийн  урьдчилан сэргийлэх хавар, намрын арга хэмжээг аймгийн Засаг даргын 01-А/141  тоот захирамжаар зохион байгуулан, 2018 оны 10-р сарын 15-ний байдлаар үхрийн боом, цусан халдварт, дуут хавдар, хурга ишигний шөвөг яр, дотрын халдварт хордлого, нохойн галзуу, гахайн мялзан, цусан халдварт-иж балнад, бруцеллёз зэрэг 10 нэр төрлийн халдварт өвчнөөс сэргийлэх тарилгад  давхардсан тоогоор  240,2  мянган толгой малыг хамруулсан байна. Эдгээр арга хэмжээний үр дүнд аймгийн нутаг дэвсгэрт малын гоц халдварт болон түгээмэл тархацтай халдварт өвчнүүд гараагүй тайван байна.

Зун, намрын угаалгад өссөн дүнгээр 231,4 мянган толгой малыг, цагаан хорхойтох өвчнөөс сэргийлэх туулгалтад  310,3 мянган толгой,  бөөс ширх, хачгаас сэргийлэх боловсруулалтад 218,5 мянган толгой малыг тус тус хамруулсан байна. Паразит өвчний гаралт өмнөх оны мөн үетэй харьцуулахад 15,2 хувиар буурч, паразит өвчний шалтгаанаар зүй бусын хорогдол гараагүй байна.

Үржлийн малыг  зоо-мал эмнэлгийн арга хэмжээнд хамруулах, заазлах ажлыг зохион байгуулж байна. Аймгийн хэмжээнд урьдчилсан байдлаар 1050 гаруй  толгой хээлтүүлэгчийг бруцеллёзын шинжилгээнд хамруулаад байна.

Малтай, малчин өрхүүдийн өвөлжөө, хашаа хороонд хийх ариутгал, халдваргүйжүүлэлтийн ажлыг биелэлт 92 хувьтай байна.

Сурталчилгаа

Малын гаралтай түүхий эд бэлтгэлээс хүнсний сүлжээнд нийлүүлэх хүртэл бүхий л үе шатанд чанар, стандарт, аюулгүй байдлыг мөрдүүлэхээр ажиллаж байна

Аймаг, орон нутгаас авсан мэдээгээр энэ онд хүн амын дотоодын хэрэгцээнд зориулж, 15,1 сая толгой мал буюу нядалгааны үеийн жингээр тооцвол 500 мянга орчим тонн мах хэрэгцээлэх тооцоо гарчээ. Хүнсэнд хэрэглэдэг малын 92 хувийг бог мал, найман хувийг бод мал эзэлж байгаа бөгөөд үүний 10 орчим хувийг үйлдвэрийн аргаар бэлтгэж байна.

mdfЖил ирэх бүр үйлдвэрийн аргаар бэлтгэсэн махны хэмжээ нэмэгдэж байгаа ч дорвитой өөрчлөлт гарахгүй байна. Энэ нь эргээд хүнсний аюулгүй байдал, иргэдийн эрүүл мэндэд сөргөөр нөлөөлж байгаа учраас гарал үүсэл нь баталгаажсан, үйлдвэрийн аргаар бэлтгэсэн, чанар, стандартын шаардлага хангасан мах, махан бүтээгдэхүүн үйлдвэрлэх шаардлага, хэрэгцээ байгааг харуулж байгаа юм. Тиймээс Мал, амьтны эрүүл мэндийн тухай хуулийг хэрэгжүүлэх, “Үйлдвэржилт 21:100″ үндэсний хөтөлбөрийн түүхий эд бэлтгэн нийлүүлэх тогтолцоог сайжруулах, “Эрүүл хүнс-Эрүүл Монгол хүн”, “Мах, сүүний анхдугаар аян”-ны хүн амыг эрүүл хүнсээр хангах зорилтыг тус тус хангах зорилгоор тодорхой арга хэмжээ хэрэгжүүлж эхэллээ.

Уг арга хэмжээг зохион байгуулахад олон талын оролцоо шаардлагатай. Тухайлбал, загвар арга хэмжээнд мах төхөөрөх болон боловсруулах үйлдвэр, мах, махан бүтээгдэхүүн борлуулдаг худалдаа, үйлчилгээний төв, дэлгүүр, супермаркет, түүгээр үйлчилдэг цэцэрлэг, сургууль, ажилчдын хоолны газар зэрэг аж ахуйн нэгж, байгууллагууд өөрсдийн хүсэлтээр хамрагдаж боломжтой. Гол нь иргэд, олон нийтэд чанар, аюулгүй байдлаа баталгаажуулсан мах, махан бүтээгдэхүүн, арьс ширэн бүтээгдэхүүнээр үйлчлэх нь нийгмийн хариуцлагаа ухамсарласан үйлдэл бөгөөд бүтээгдэхүүнийхээ өрсөлдөх чадварыг дээшлүүлэх нэг арга гэж харах хэрэгтэй юм.

Түүхий эд бэлтгэлээс хүнсний сүлжээнд нийлүүлэх хүртэл бүхий л үе шатанд чанар, стандарт, аюулгүй байдлыг мөрдүүлэх учраас Мал эмнэлгийн ерөнхий газар, Хөдөө аж ахуйн бирж ХХК, Мэргэжлийн хяналтын ерөнхий газар, Нийслэлийн Засаг даргын тамгын газар, Нийслэлийн Хүнс, хөдөө аж ахуйн газар, аймгуудын ЗДТГ, ХХААГ, Монголын махны холбоо, Арьс ширний үйлдвэрлэлийн холбоо, Ногоон алт, малын эрүүл мэнд төсөл, Хувийн хэвшлийн оролцоотойгоор мал аж ахуйн гаралтай бүтээгдэхүүн болон хүнсний ногооны үйлдвэрлэлийн нэмүү өртгийн сүлжээг хөгжүүлэх төсөл зэрэг төрийн болон төрийн бус байгууллага, мэргэжлийн холбоод, олон улсын төслийг дээрх загвар арга хэмжээнд татан оролцуулж, Хүнс, хөдөө аж ахуй, хөнгөн үйлдвэрийн яам нэгдсэн бодлого, удирдлагаар зангидан зохион байгуулж байна.

Дунд оврын трактор, хүнсний ногооны иж бүрдэл техник

“Хүнсний ногоо” Үндэсний хөтөлбөрийн хүрээнд дунд оврын трактор, бага дунд  оврын тракторт тохирох хүнсний ногооны иж бүрдэл техникийг 10 хувийн  урьдчилгаа төлбөртэй 7 жилийн хугацаатай хүүгүй зээлээр олгож байна.

Хүлэмж, өрхийн тариалангийн зориулалттай бага оврын иж бүрдэл техникийг 10  хувийн урьдчилгаа төлбөртэй, 9 жилийн хугацаатай хүүгүй зээлээр олгож байна.

Газар тариалангийн бодлогын хэрэгжилтийг зохицуулах газар  Утас: 51-263408

Тариалан эрхлэлтийг дэмжих сан  Утас: 51-261647, 95753810, 99087599

Мэдээллийг set of vegetable дарж үзнэ үү.

АРИУТГАЛ ХАЛДВАРГҮЙЖҮҮЛЭЛТИЙН 3 ПОСТЫГ НЭМЖ БАЙГУУЛЛАА.

Дархан сумын Онцгой комиссын шийдвэрээр Эрдэнэт-Улаанбаатар, Эрдэнэт-Дархан чиглэлийн төв замын зорчих хэсэг дээр шүлхий өвчний тархалтаас урьдчилан сэргийлэх зорилгоор 3 постыг нэмж байгууллаа. Ариутгал халдваргүйжүүлэлтийн бодисоор нэвчүүлсэн шалавч дэвсгэрийг 48 м2 талбайд байрлуулсан бөгөөд энэ нь дамжин өнгөрч байгаа авто тээврийн хэрэгслийн дугуйг бүрэн ариутгаж байна.

28276878_1865367626809680_6716533897247523612_n28277404_1865367583476351_2293148554772268286_n

Салбарын зөвлөгөөн боллоо.

Зөвлөгөөнөөр мал аж ахуй, мал эмнэлэг, газар тариалан, хүнс, жижиг, дунд үйлдвэрийн чиглэлээр 2017 онд зохион байгуулсан ажлууд, цаашдын зорилтыг тус тус танилцуулсан байна.
Мөн аймгуудын Хүнс, Хөдөө аж ахуйн газруудын 2017 оны үйл ажиллагаанд хийсэн хяналт-шинжилгээ, үнэлгээний дүнг танилцуулан, зөвлөмж, цаашид анхаарах асуудлын талаар мэдээлэл хийлээ.
Аймгийн Хүнс, хөдөө аж ахуйн газрын дарга, сумдын Мал эмнэлэг, үржлийн тасгуудтай байгуулсан гэрээний биелэлтийг тооцон, үйл ажиллагааны үр дүнгээр сумдын Мал эмнэлэг, үржлийн тасгуудаас Шарын гол сумын МЭҮТ, мал эмнэлгийн үйлчилгээний нэгжүүдээс Шар эх сүрэг ХХК, Арвин сүрэг үржих ХХК-иудыг шалгаруулан шагнаж урамшууллаа.
Зөвлөгөөнд оролцогчдоос 2018 онд хэрэгжүүлэх арга хэмжээний чиглэлээр зөвлөмж гаргасан байна.

Улаанбуудайн урамшуулалын материал хүлээн авч байна.

Хүнсний буудайн урамшуулалд хамрагдахад

бүрдүүлэх материал

ХХААХҮ-ийн сайд сангийн сайдын 2010 оны 02 дугаар сарын 09-ний өдрийн 24/34 дугаар хамтарсан тушаалаар батлагдсан “Хүнсний буудайд урамшуулал олгоход баримтлах журам”-ын дагуу тухайн жилийн ургацаас Тариалан эрхлэлтийг дэмжих сан, Улсын үрийн нөөцийн газар, дотоодын гурилын үйлдвэрүүд болон улсад хүнсний зориулалтаар буудай нийлүүлсэн аж ахуйн нэгж,  иргэд буудайн урамшуулалд хамрагдах хүсэлт гаргаж болно.

Буудайн урамшуулалд хамрагдах хүсэлт гаргах этгээд дараах баримт материалыг заавал бүрдүүлнэ.

  1. Дотоодын гурилын үйлдвэр, Улсын нөөцийн газар, Тариалан эрхлэлтийг дэмжих сангийн харъяа салбаруудад MNS 97-2004 стандартын шаардлага хангасан хүнсний буудай нийлүүлсэн тухай цэвэр жингээр тооцоо нийлсэн акт, итгэмжлэгдсэн лабораторийн шинжилгээний дүн, байгуулсан гэрээ
  2. Буудай хүлээн авсан гурилын үйлдвэрүүдийн татварын байгууллагын тодорхойлолт
  3. Гурилын үйлдвэрлэл эрхлэдэг аж ахуйн нэгжийн гэрчилгээ, ажлын байрны дүгнэлт, тохиролын гэрчилгээ
  4. Буудай нийлүүлсэн иргэн, аж ахуйн нэгж, байгууллагын харъяалах татварын албаны тодорхойлолт
  5. Аж ахуйн нэгж, иргэдийн тухайн онд тариалсан талбай, хураан авсан ургацын хэмжээ, урамшуулалд хамрагдах талаархи Сумын засаг даргын тодорхойлолт
  6. Буудайн урамшуулалд хамрагдах этгээд нь аж ахуйн нэгж бол гэрчилгээний баталгаажсан хуулбарыг иргэн бол иргэний үнэмлэхний баталгаажуулсан хуулбарыг хавсаргана
  7. Урамшуулалд хамрагдах хүсэлтэй иргэн, аж ахуйн нэгжүүд журмын хавсралтанд заасан өргөдлийн маягтын дагуу албан ёсны хүсэлтээ гаргана

Урамшуулалд хамрагдах иргэд, аж ахуйн нэгж, байгуулагууд дээрх журмын дагуу бүрдүүлсэн материалыг аймгийн ХХААГ-т 12-р сарын 15-ны дотор албан тоотоор хүргүүлнэ. ХХААГ нь материалыг хянаж нэгтгэн үндсэн материалын хамт ХХААХҮЯ-ны Тариалан эрхлэлтийг дэмжих санд 12 дугаар сарын 20-ны дотор албан тоотоор ирүүлнэ.

Хүнсний буудайнд урамшуулал

олгох журмын хавсралт

 

Аж ахуйн нэгж, иргэдээс хүнсний буудайн

урамшуулалд хамрагдах хүсэлт гаргах маягт

 

201…оны……сарын…..ны өдөр

1 Аймаг, сумын нэр  
2 Аж ахуйн нэгж, иргэний нэр  
3 Захирлын овог, нэр болон регистерийн дугаар (иргэн бол зөвхөн регистерийн дугаар)  
4 Хаяг, утас  
5 Урамшууллын мөнгө хүлээн авах Банкны нэр, дансны дугаар  
6 Тариалсан талбай /га/  
7 Хураан авсан ургац /тн/  
8 Урамшуулалд хамрагдах буудайн хэмжээ /тн/  

 

Эрх бүхий албан тушаалтны нэр (эсвэл хүсэлт гаргач иргэний нэр)

 

Гарын үсэг:

 

Тамга:

 

 

 

Жич: Журмын 12.1-12.6 дахь хэсэгт заасан баримт материалуудыг энэхүү хүсэлтэд хавсарган ирүүлэхийг анхаарна уу

CHINGGIS KHAAN CHALLENGE CUP 2017 ОЛОН УЛСЫН ТОГООЧ НАРЫН УРАЛДААН

МУЗГ-ын Эрүүл хүнс- Эрүүл монгол хүн уриан дор Улаанбаатар хотноо Үндэсний Худалдаа аж үйлдвэрийн танхимын байранд ХХААХҮЯам, Монголын тогооч нарын нэгдсэн холбоо, Мастер тогоочдын холбоо хамтран 2017 оны 9-р сарын 4-нөөс 9-ний өдрүүдэд Chinggis khaan challenge cup 2017 олон улсын тогооч нарын уралдаан, Улаанбаатарын цом 2017 Монгол тогооч нарын аварга шалгаруулах уралдаан, Мongolian culinary festival 2017 үзэсгэлэн тус тус зохион байгууллаа.
Энэхүү арга хэмжээнд Дархан-Уул аймгийн тогооч мастеруудын холбоо, Дархан-Уул аймаг дахь Тогооч нарын холбооноос В.Доржбаатар, Г.Ганзул нар зохион байгуулалтын ажилд туслах үүрэгтэйгээр ажиллалаа.  Continue reading “CHINGGIS KHAAN CHALLENGE CUP 2017 ОЛОН УЛСЫН ТОГООЧ НАРЫН УРАЛДААН”

ҮЙЛДВЭРЛЭГЧДЭЭС ХЭРЭГЛЭГЧДЭД ҮЗЭСГЭЛЭН, БАРТЕР ХУДАЛДАА ЗОХИОН БАЙГУУЛАГДАЖ БАЙНА.

Дархан-Уул аймгийн Жижиг дунд үйлдвэрийг дэмжих төвийн байранд /Хуучин хороолол/ Дарханд үйлдвэрлэв дэлгүүрт 2017-2018 оны хичээлийн жилтэй холбогдуулан 9-р сарын 29-нөөс 31-ний өдрүүдэд Үйлдвэрлэгчдээс хэрэглэгчдэд үзэсгэлэн, бартер худалдаа зохион байгуулагдаж байгаа тул үйлдвэрлэл эрхлэгчид болон иргэд та бүхэн өргөнөөр оролцохыг уриалж байна. Continue reading “ҮЙЛДВЭРЛЭГЧДЭЭС ХЭРЭГЛЭГЧДЭД ҮЗЭСГЭЛЭН, БАРТЕР ХУДАЛДАА ЗОХИОН БАЙГУУЛАГДАЖ БАЙНА.”

СУМДЫН МАЛ ЭМНЭЛЭГ, ҮРЖЛИЙН ТАСГУУД МОТОЦИКЛТОЙ БОЛЛОО.

Дархан-Уул аймгийн ХХААГ-аас өнөөдөр 4-н сумын Мал эмнэлэг, үржлийн тасгийн 12 мэргэжилтэн, сумдын хувийн хэвшлийн мал эмнэлэг нэгжийн захирлуудыг хамруулсан уулзалт, сургалтыг зохион явууллаа. Уулзалтаар цаг үеийн болон тулгамдаж байгаа асуудлаар ярилцаж Шүлхий, цэцэг өвчний талаар мэдээлэл өгсөн байна. Мөн энэ үеэр ХХААХҮЯ-наас Мал эмнэлэг үржлийн тасгийн ажлыг дэмжих зорилгоор Япон улсад үйлдвэрлэгдсэн “YAMAHA” маркийн мотоциклыг сумдын мал эмнэлэг, үржлийн тасагт гардуулан өгсөн юм.  Малын цэцэг, шүлхий өвчний дэгдэлт нэмэгдэж байгаатай холбогдуулан аймгийн Засаг даргын Захирамжаар аймгийн нийт мал сүрэгт урьдчилан сэргийлэх үзлэг тандалт хийх ажлыг 2017 оны 08 дугаар сарын 26-наас эхлүүлэх үүрэг чиглэлийг өглөө.

МАХНЫ ЭКСПОРТ-ДАРХАН-УУЛ АЙМАГТ

Монгол Улсын Засгийн газар, Хүнс хөдөө аж ахуй хөнгөн үйлдвэрийн яамнаас “Эрүүл хүнс – Эрүүл монгол хүн” зорилтын хүрээнд мах, сүүний анхдугаар аяныг өрнүүлж, махны экспортыг дэмжиж, малчдын орлогыг нэмэгдүүлэх зорилгоор Монгол Улсаас Исламын Бүгд Найрамдах Иран улс руу халал аргаар төхөөрсөн хонины түүхий мах 1 тонныг 3000 ам.доллараар тооцож, “Eco food trading” ХХК, “Darkhan meat foods” ХХК хамтран 4000 тонн буюу 250 мянган хонины мах экспортлох гэрээ байгуулсан.  Continue reading “МАХНЫ ЭКСПОРТ-ДАРХАН-УУЛ АЙМАГТ”

МАЛ ЭМНЭЛГИЙН ҮЙЛЧИЛГЭЭНИЙ ЦАГ ҮЕИЙН МЭДЭЭЛЭЛ

Тус аймгийн Хонгор суманд гарсан хонины цэцэг өвчний голомтыг цомхтгох ажлын хүрээнд цэцэг өвчнөөс сэргийлэх тарилгыг 2 дахь удаагаа зохион байгуулж ажиллаа. Эхний удаа  Хонгор сумын нутаг дэвсгэрт өвөлжиж байгаа 541 өрхийн 93979 толгой малыг тарилгад хамрууллаа. Хоёр дахь удаа Дархан, Орхон, Шарын гол сумдын өвөл вакцинд хамрагдаагүй хонинд цэцэг өвчнөөс сэргийлэх өргөн вакцинжуулалтыг зохион байгуулснаар 292 өрхийн 44600 толгой малыг хамруулсан байна. Цэцэг өвчнөөс сэргийлэх тарилгад өссөн дүнгээр 138579 толгой малыг хамруулж ОХУ-д үйлдвэрлэсэн 140,0 мянган тун вакцин зарцууллаа. Энэ ажилд ХХААГ, сумдын МЭҮТасаг, хувийн хэвшлийн мал эмнэлгийн нэгжүүдийн 22 малын эмч 60 гаруй туслах ажилтан дайчлагдан ажиллаж богино хугацаанд аймгийн нийт хонин сүргийг урьдчилан сэргийлэх тарилгад бүрэн хамруулсан байна. Дээрх арга хэмжээнд сумдын Засаг дарга нарын нөөц сангаас зөвхөн шатахууны зардалд 2,6 сая төгрөг зарцуулсан дүнтэй байна. Өвөл таригдсан 93,9 мянган толгой малын тарилгын үйлчилгээний хөлс болох 14096,5 мянган төгрөгийн МУ-н Засгийн газрын хэрэгжүүлэгч агентлаг Мал эмнэлэг, үржлийн газраас авч, орон нутгийн нэгжүүдэд санхүүжилтийг нь бүрэн олголоо. Continue reading “МАЛ ЭМНЭЛГИЙН ҮЙЛЧИЛГЭЭНИЙ ЦАГ ҮЕИЙН МЭДЭЭЛЭЛ”

“БАЙГАЛЬ ОРЧНОО ХАЙРЛАЯ” АЯН НЭГДЛЭЭ

Дархан Уул аймгийн Хүнс хөдөө аж ахуйн газрын хамт олон Байгаль орчноо хайрлая аяныг байгууллагынхаа хэмжээнд зохион байгуулж 2017 оны 07 дугаар сарын 27ны өдөр 200,000 төгрөгийг тус албанд шаардлагатай байгаа багаж хэрэгсэл аваарай хэмээн Онцгой байдлын газарт гардуулан өглөө. Болзошгүй гамшигт хариу үйлдэл үзүүлэхээр чин сэтгэлээсээ тусалж хамтран ажилладаг тус хамт олонд Онцгой байдлын албаны зүгээс талархал гардуулан баярласнаа илэрхийллээ.

 

ДАРХАН-УУЛ АЙМГИЙН АВАРГА ОЁДОЛЧИД ТОДОРЛОО

“Уран үйлчин” Улсын уралдааны Дархан-Уул аймгийн аварга шалгаруулах тэмцээнийг анхны жилдээ 2017 оны 05-р сарын 28-ны өдөр “Монголд бид үйлдвэрлэв” ТББ-тай хамтран ХХААГын сургалтын танхимд амжилттай зохион байгууллаа.
Оёдолчин үйлчин нарын үйл ажиллагааг сурталчлах, үнэлэмжийг дээшлүүлэх, орон нутгийн болон дотоод гадаадын зах зээлд таниулах, сор бүтээгдэхүүнийг бий болгох зорилгоор зохион байгуулагдсан аймгийн аварга шалгаруулах тэмцээнд аймгийн ХОХБХ-ийн ахлах мэргэжилтэн М.Энхбаяр, ХХААГын дарга О.Чимэдцэрэн орон нутагт үйл ажиллагаа эрхэлж буй нийт 40 гаруй оёдолчид оролцсоноос тэмцээнд 28 үйлчин бүртгүүлж авьяасаа сорилоо.
Уралдаанд оролцогч аж ахуйн нэгж байгууллага, иргэдэд 3, 4 саруудад мэдээллийг хүргэн бүртгэж, урьдчилан цамц оёх даалгавар, тэмцээний үеэр монгол дээлний товч шилбэ хадах уралдаан болж нийт оролцогчдоос аймгийн “Аварга уран үйлчин”-ээр оёдолчин Э.Сэлэнгэ шалгарч ZUKI маркийн оёдлын машин 500,0 мянган төгрөг, “Тэргүүн аварга”-аар оёдолчин Б.Солонго шалгарч ZUKI маркийн оёдлын машин 300,0 мянган төгрөг, “Дэд аварга”-аар оёдолчин Г.Оюунгэрэл шалгарч ZUKI маркийн оёдлын машин 100,0 мянган төгрөгөөр тус тус шагнагдлаа.

ТЭЖЭЭЛИЙН УРГАМАЛ, ЖИМС, ЖИМСГЭНЭ ТАРИАЛАЛТ СУРГАЛТ

Хаврын тариалалтын ажил эхлэж байгаатай холбогдуулан “Таримал тэжээлийн ургамал, жимс, жимсгэнэ тариалалт” сэдэвт сургалтыг УГТХүрээлэнтэй хамтран зохион байгуулж 30 гаруй иргэн, малчид, фермерүүдийг хамрууллаа. Уг сургалтад Д.Оюунгэрэл, Доктор Ph УГТХ-ийн жимс, чимэглэлийн ургамлын секторын эрхлэгч, Э.Дорлигсүрэн, Докторант УГТХ-ийн таримал ургамлын генетик нөөцийн секторын ЭШАжилтан нар “Малын тэжээлийн ургамал тариалах технологи, ганд тэсвэртэй ургамлууд”, “Жимс, жимсгэнэ тариалах технологи, нутагшсан сортууд” сэдвүүдээр хичээл заалаа. Мөн тус газраас МАА-н салбарт ХАА-н зохистой дадал нэвтрүүлэх, хуванцар сав баглаа боодлын тэмдэг, тэмдэглэгээний чиглэлээр мэдээлэл сурталчилгаа явуулж, санал солилцож, гарын авлага материал олголоо.

ХИШИГ ӨДӨР АРГА ХЭМЖЭЭ ЗОХИОН БАЙГУУЛЛАА.

Нээлттэй хаалганы өдөрлөгийн хүрээнд ХХААГ-ын ажилчид , Шарын гол сумын ЗДТГ-тай хамтран тус сумын малчны хотонд “Хишиг өдөр” арга хэмжээг амжилттай зохион байгууллаа. Уг арга хэмжээний үеэр Төрөөс мал аж ахуйн чиглэлээр баримталж буй бодлого, малын эм, бэлдмэлийг хэрхэн хэрэглэх талаар мэргэжил арга зүйн зөвлөгөө өгч, санал солилцолоо.

Мөн хонь хариулах, хашаа, хорооны өтөг бууцыг зөөж цэвэрлэх, 130 гаруй хурга, ишгэнд шөвөг ярын вакцин хийж, түлээ, мод хагалах, усанд явах зэрэг малчин хүний нэг өдрийн ажлыг хийлээ.

ХӨДӨЛМӨРИЙН АВАРГА ХАМТ ОЛОН БОЛЛОО.

“Хүнс, хөдөө аж ахуйн газар” нь 2016 онд “Тариаланчдын улсын” зөвлөгөөнийг ХХААЯ-тай хамтран аймагтаа амжилттай зохион байгуулж, газар тариалангийн чиглэлээр үйл ажиллагаа явуулдаг 500 гаруй компанийн төлөөллийг оролцууллаа. Энэхүү арга хэмжээнд техник, тоног төхөөрөмж нийлүүлдэг 20 гаруй аж ахуйн нэгж  үйл ажиллагаагаа танилцуулж, хөдөө аж ахуйн үйлдвэрлэлд нэвтэрч буй шинэ дэвшилтэт технологийг сурталчлах худалдан борлуулах ажлыг зохион байгууллаа. Continue reading “ХӨДӨЛМӨРИЙН АВАРГА ХАМТ ОЛОН БОЛЛОО.”

АЙМГИЙН ДЭД ХӨТӨЛБӨРТ САНАЛ АВЧ БАЙНА.

4-18-728 Гахай, шувуу, зөгий аймгийн дэд хөтөлбөрүүдэд 2 дугаар сарын 28-ны өдрийг дуустал санал авч байна.

Гахайн аж ахуй дэд хөтөлбөрийн төслийг харах бол энд дарна уу.

Шувуу дэд хөтөлбөрийн төслийг харах бол энд дарна уу.

Зөгий дэд  хөтөлбөрийн төслийг харах бол энд дарна уу.

Санал авах хаяг: Дархан сум, 8-р баг, Нарантолгой, Хүнс, хөдөө аж ахуйн газар
Утас:70373636
И-мейл: Baasan741741@yahoo.com

ЦАГААН САР-2017 ҮЗЭСГЭЛЭН ХУДАЛДАА

15823656_619570631580915_3003163154466445383_nМонгол улсын аж ахуйн нэгж байгууллагуудын үйлдвэрлэсэн бүтээгдэхүүн, хэрэглэгчдэд үзүүлж буй үйлчилгээг сурталчлах, худалдааны түншлэл тогтоох, зах зээл олох өргөн боломжийг бүрдүүлэх, үйлдвэрлэгч, үйлчилгээний байгууллагууд, хэрэглэгч тэдгээрийн хоорондын уялдаа холбоог сайжруулах, итгэлийг бэхжүүлэх зорилготой “Цагаан Сар-2017” үзэсгэлэн худалдааг хэрэглэгчдийн эрэлт хэрэгцээнд тулгуурлан 2 дугаар сарын 15-наас 19-ний өдрүүд буюу 5 хоногийн хугацаанд зохион байгуулахаар боллоо.
Бүртгэл 2017 оны 1 дүгээр сарын 11 нд эхэлнэ.
Үзэсгэлэн худалдааг аймгийн ЗДТГазар, аймгийн Эмэгтэйчүүдийн холбоо, Дархан-Уул аймаг дахь ХАҮТ хамтран зохион байгуулна.