Хүнсний үйлдвэрлэлийн чиглэлээр 47 аж ахуйн нэгж, 36 цех ажиллаж байна.

Аймгийн хэмжээнд хүнсний үйлдвэрийн 47 аж ахуйн нэгж, 36 цех, салбараар нь авч үзвэл мал төхөөрөх 1, мах боловсруулах 7, гурилын 6, талх-гурилан бүтээгдэхүүний 28, ургамлын тосны 1, сүү, сүүн бүтээгдэхүүн боловсруулах 10, ногоо боловсруулах 6, савласан цэвэр усны 4, бууз баншны 9, хэрчсэн гурилын 7 үйлдвэр үйл ажиллагаа явуулж байна. Судалгааг бүтээгдэхүүний нэр, төрөл, хүчин чадал ашиглалт, ажиллагсадын тоо, байршил зэргээр гаргаж, ҮХААЯ-д хүргүүлсэн байна.

2014 онд мах, сүү, гурил, гурилан бүтээгдэхүүний 50 үйлдвэрийг явж судлахаар төлөвлөснөөс эхний хагас жилд мах, гурилын үйлдвэрийг судлахад 625 тн/хон үр тариа боловсруулах 6 үйлдвэр, 11,0 тн/хон мах боловсруулах, 350 бод, 1500 бог мал төхөөрөх хүчин чадалтай 8 үйлдвэрийг судлахад хүчин чадал ашиглалт дунджаар махных 20%, гурилынх 40%-тай, мах, гурилын үйлдвэрт нийт 495 хүн ажиллаж байна. Махны 2, гурилын 3 үйлдвэр нь сүүлийн үеийн лабораторийн тоног төхөөрөмжөөр бүрэн тоноглогдсон байна.