БОГ МАЛЫН ГОЦ ХАЛДВАРТ ӨВЧИНТЭЙ ТЭМЦЭХ ТУХАЙ АЙМГИЙН ЗАСАГ ДАРГЫН 07 ДУГААР АЛБАН ДААЛГАВАР ГАРЛАА

b506ea4e9dcdf0609cf7aef919d8db841474504176_230Дархан-Уул аймгийн Хонгор сумын нутаг дэвсгэрт малын гоц халдварт цэцэг өвчин хоёр голомтод илэрсэнтэй холбогдуулан 2016 оны 12 дугаар сарын 09 өдөр аймгийн Засаг даргын 07 дугаар албан даалгавар гарчээ. Тус албан даалгаврыг бүрэн эхээр нь танилцуулж байна. Гамшгаас хамгаалах тухай хуулийн 26 дугаар зүйлийн 1.6 заалт. Малын удмын сан, эрүүл мэндийг хамгаалах тухай хуулийн 4 дүгээр зүйлийн 4.5.8, 4.5.9, 4.5.10, 4.5.12 дугаар заалтуудыг тус тус үндэслэн даалгах нь: Continue reading “БОГ МАЛЫН ГОЦ ХАЛДВАРТ ӨВЧИНТЭЙ ТЭМЦЭХ ТУХАЙ АЙМГИЙН ЗАСАГ ДАРГЫН 07 ДУГААР АЛБАН ДААЛГАВАР ГАРЛАА”

Сурталчилгаа

МАЛ ТООЛЛОГО ЭХЭЛЛЭЭ.

img_2484Монгол орон даяар мал тооллогыг жил бүрийн 12 дугаар сард зохион байгуулдаг. Тус тооллого нь тэжээвэр амьтдын өсөлт бууралт, сүргийн бүтцэд гарч буй өөрчлөлт, мал аж ахуйн салбарын үйлдвэрлэлийн бодит хэмжээг тооцож тодорхойлох,зорилготой.
Энэ жилийн тооллого 12 дугаар сарын 7-17-ны өдрүүдэд буюу 10 хоног үргэлжилнэ. Энэ хүрээнд Дархан-Уул аймгийн хэмжээнд “Мал тэжээвэр амьтад, хашаа худгийн тооллого”өнөөдөр /2016.12.07/ эхэллээ. Continue reading “МАЛ ТООЛЛОГО ЭХЭЛЛЭЭ.”

“МАЛЧИД, ҮЙЛДВЭРЛЭГЧДЭЭС – ХЭРЭГЛЭГЧДЭД” ЗӨВЛӨГӨӨН, ХУДАЛДАА-ҮЙЛЧИЛГЭЭ-БАРТЕР АРГА ХЭМЖЭЭ

malchidХүнс, хөдөө аж ахуй, хөнгөн үйлдвэрийн сайдаас өгсөн чиглэл, малчдаас тавьсан санал хүсэлтийн дагуу мал аж ахуйн гаралтай түүхий эд, бүтээгдэхүүний борлуулалт, малчдын орлогыг нэмэгдүүлэх, дундын зуучлалгүй хэрэглэгчдэд хүргэх зорилгоор аймгийн хэмжээнд “Малчид, үйлвэрлэгчдээс- хэрэглэгчдэд” худалдаа, үйлчилгээ, зөвлөгөөн бүхий  нэгдсэн арга хэмжээг төрийн болон төрийн бус байгууллагуудтай хамтран зохион байгууллаа. Continue reading ““МАЛЧИД, ҮЙЛДВЭРЛЭГЧДЭЭС – ХЭРЭГЛЭГЧДЭД” ЗӨВЛӨГӨӨН, ХУДАЛДАА-ҮЙЛЧИЛГЭЭ-БАРТЕР АРГА ХЭМЖЭЭ”

ЦАС ЦЭВЭРЛЭГЭЭ ЗОХИОН БАЙГУУЛАВ.

Дархан-Уул аймгийн Засаг даргын 215134068_1147653261948733_1281482104_o014 оны 01 дүгээр албан даалгавар, Дархан сумын засаг даргын 2016 оны 04 дүгээр албан даалгаврыг хэрэгжүүлэх ажлын хүрээнд манай байгууллагын ажилтнууд байгууллагынхаа ойр орчмын 50м газрын цасыг цэвэрлэж, явган хүний замд халтиргаа гулгаа үүсэхээс сэргийлж ажиллалаа.

“МАЛЧИД, ҮЙЛДВЭРЛЭГЧДЭЭС – ХЭРЭГЛЭГЧДЭД” ХУДАЛДААГ ЗОХИОН БАЙГУУЛНА.

15171036_1284570538273077_6982542114250388806_nЦаг үеийн нөхцөл байдалтай танилцах зорилгоор хөдөөгийн сумуудад ажлын хэсэг ойрын өдрүүдэд ажиллаж байна. Энэ хугацаанд малчдын зүгээс төрийн байгууллагуудад хандаж тавьж байгаа хүсэлтүүдийн дийлэнх нь МАА-н салбарын бүтээгдэхүүн мах борлуулах хүсэлтийг олонтоо тавьсантай холбоотойгоор 2016 оны 11 дүгээр сарын 26,27-ны өдрүүдэд “Залуучууд” театрын урд талбайд махны гарал үүслийн гэрчилгээтэй, ариун цэвэр эрүүл ахуйн шаардлага хангасан мах, цагаан идээг худалдан борлуулах, нөгөө талаас иргэддээ хямд үнэтэй мах, цагаан идээг худалдан авах бололцоог хангах зорилгоор “Малчдаас хэрэглэгчдэд” худалдааг зохион байгуулах тул малчид, иргэдийг идэвхтэй оролцохыг уриалж байна. Анхаарах гол зүйл бол зөвхөн Дархан-Уул аймгийн Хонгор, Орхон, Шарын гол, Дархан сумын малчдын бэлтгэсэн мах, сүү, цагаан идээг борлуулах болно. Мэргэжлийн байгууллагууд хяналт тавьж ажиллана.

ӨВӨЛЖИЛТИЙН БАЙДАЛТАЙ ГАЗАР ДЭЭР НЬ ТАНИЛЦЛАА

15134701_595848573953121_3888180279428706074_nДархан-Уул аймгийн нийт нутгаар цасан бүрхүүл тогтож, өвөлжилт хүндрэх төлөвтэй болсон. Үүнтэй холбогдуулан сумдын өвөлжилтийн нөхцөл байдалтай танилцах, зарим шаардлагатай дэмжлэгийг газар дээр нь үзүүлэх зорилгоор өнөөдөр /2016.11.20/ аймгийн Засаг дарга С.Насанбат тэргүүтэй ажлын хэсэг Хонгор, Шарын гол суманд ажилласан юм. Continue reading “ӨВӨЛЖИЛТИЙН БАЙДАЛТАЙ ГАЗАР ДЭЭР НЬ ТАНИЛЦЛАА”

ХҮНС, ХӨДӨӨ АЖ АХУЙ, ХӨНГӨН ҮЙЛДВЭРИЙН САЙДЫН УРИАЛГА “МАЛЧДАД ТУСЛАХ САЙН САНААНЫ АЯН”

Монгол орны эдийн засгийн үндсэн суурь болсон мал аж ахуйн салбарт үүсэж болох эрсдлээс урьдчилан сэргийлэх, байгаль, цаг уурын онцгой хүндрэлийг хохирол багатай даван туулах зорилгоор “Малчдад туслах сайн санааны аян”-ыг санаачлан өрнүүлж, монголын ард иргэд, албан байгууллага, аж ахуйн нэгж, гадаад орны элчин сайдын яамд, хандивлагч орон, олон улсын байгууллагуудад хандан хандив, тусламж үзүүлэхийг уриалж байна.

Цаг уур, орчны шинжилгээний газраас цаашид ихэнх нутгаар цас орж, цасан шуурга шуурч, манай оронд урьд өмнө тохиолдож байгаагүй хүйтэн өвөл болох цаг агаарын урьдчилсан мэдээ гарсан нь мал аж ахуйн өвөлжилт, хаваржилтанд хүндрэл учруулж болзошгүй нөхцөл байдал үүсээд байна.
Засгийн газрын хуралдаанаар мал аж ахуйн салбарын 2016-2017 оны өвөлжилтийн бэлтгэл ажлын тайланг хэлэлцэхэд өвөлжилтийн бэлтгэл ажил улсын хэмжээнд 82.8 хувьтай хангагдсан байна.
Гэвч энэ оны 10,11 дүгээр сард манай орны ихэнх нутгаар их хэмжээний цас орж нийт нутгийн 50 хувьд цасан бүрхүүл тогтож, улмаар хүйтний эрч эрс чангарч одоогийн байдлаар Сэлэнгийн ихэнх, Завханы хойд, Хөвсгөлийн баруун, Булганы зүүн өмнөд хэсэг, Увс, Дорнод, Хэнтий, Төв, Дархан-Уул аймгууд зуд болох хамгийн их эрсдэлтэй, Сүхбаатарын зарим нутаг, Баян-Өлгий, Ховд, Өвөрхангай, Дундговь, Дорноговь аймгууд их эрсдэлтэй байдалд орсон нь нийт аймгуудын 70 гаруй хувийг эзлэж байна.
Энэ аяны хүрээнд цугларсан нэн шаардлагатай дулаан хувцас, хүнсний болон өргөн хэрэглээний бараа бүтээгдэхүүн, хүн, малын эм тариа, түлээ нүүрс, өвс, тэжээл, нэмнээ, элгэвч, малын хашаа хороог дулаалах материалыг цаг агаарын нөхцөл байдал хүндрэхээс өмнө малчин түмэндээ хүргэхийг зорьж байна.
Мянга мянган жил бэлчээрийн мал аж ахуйг эрхлэн монголчуудын амьдралын эх суурийг хангаж ирсэн малчин түмэндээ сэтгэлийн цэнхэр хадгаа дэлгэж, цаг агаарын давагдашгүй хүчин зүйлээс урьтаж, цаг алдалгүй тусламж, дэмжлэгээ үзүүлж, буянт мал сүргээ хамгаалах ариун үйлсэд нэгдэхийг монголын ард түмэндээ уриалж байна.

ХҮНС, ХӨДӨӨ АЖ АХУЙ, ХӨНГӨН ҮЙЛДВЭРИЙН ЯАМ

Сүү үйлдвэрлэгч нарт сургалт зохион байгууллаа.

Европын сэргээн босголтын банк, Фрижиян, Данийн зөвлөх компани, Бодлого судлалын төв, ХХААГ-тай хамтран “Үнэлгээ ба чадавхи бэхжүүлэх замаар сүүний фермийн бүтээмжийг дээшлүүлэх” төслийн хүрээнд сүү нийлүүлэгч болох Сүү ХК-ний Сэлэнгэ аймгийн Зүүнхараа дахь Мах агро фермер, Алтан тариа ХК-ний Сэлэнгэ аймгийн Зүүнбүрэн дэхь салбарын төлөөлөл мөн тус аймгийн Хонгор, Дархан сумын 5 сүүний үхрийн аж ахуй эрхлэгчид хамрагдлаа.
Сургалтын зорилго нь :
1. Сүү үйлдвэрлэлийн салбарт тогтвортой үйл ажиллагаа эрхэлж байгаа үйлдвэрлэгчдийг хамруулан технологийн мэдлэг чадварыг дээшлүүлэх.
2. Сүү үйлдвэрлэгч нарын түвшинд үр ашиг тооцох, түүний зохион байгуулалтын менежмент, эрүүл ахуйн стандартын хэрэгжилтийг дэмжих замаар сүү үйлдвэрлэлийн үр ашгийг нэмэгдүүлэх, боловсруулж буй бүтээгдэхүүний чанар, аюулгүй байдлыг сайжруулах.
3. Сүүний фермийн бүтээмж, сүүний чанар, боловсруулалтыг сайжруулснаар сүүний импортыг бууруулж хөрөнгө оруулалтыг нэмэгдүүлэхэд дэмжлэг үзүүлэх чиглэлээр дадлага, сургалт зохион байгуулагдлаа.

Зохимол хээлтүүлгийн сургалт зохион байгуулагдлаа.

14907171_1266389303424534_4821785986752019434_nСэлэнгэ аймгийн Орхон суманд ХХААХҮЯ-ны Малын удмын сангийн үндэсний төв, Сэлэнгэ аймгийн ХХААГ-тай хамтран зохион байгуулсан Сэлэнгэ-үржлийн цөм сүргийн аж ахуй түшиглэн нарийн, нарийвтар ноост хонины үр авах, үр үйлдвэрлэх үзүүлэх сургалтад сумдын Мал эмнэлэг, үржлийн тасгийн мэргэжилтнүүд оролцлоо.
Зохимол хээлтүүлгийн давуу тал:
1. Шинжлэх ухааны үндэслэлтэй зохион байгуулагддаг. Continue reading “Зохимол хээлтүүлгийн сургалт зохион байгуулагдлаа.”

224 толгой үхэрт үзлэг ангилалт хийлээ.

14570295_1244080595655405_1459164802226736245_n2016 оны 10 дугаар сарын 6-8-ны өдрүүд Шарын гол сумын Мал аж ахуйн салбарын өвөлжилт, хаваржилтийн бэлтгэл хангалтын явцтай танилцлаа. Сумын хэмжээнд хонин толгойд шилжүүлснээр 78,8 мянган толгой мал өвөлжиж хаваржина. Сумын нөөцөд 30 тонн өвс, 10 тонн тэжээл бэлтгэн нөөцөлсөн.
2016 оны 10 дугаар сарын 6-ны байдлаар 82 хувь буюу 6752 тонн өвс, 250 тонн үйлдвэрийн тэжээл малчид бэлтгээд байна.
Аймгийн Засаг даргын 2016 оны А/120 тоот захирамжийн дагуу сумын МЭҮТ, МЭҮН-үүд хамтран ажлын хэсэг байгуулж, намрын мал эмнэлгийн урьдчилан сэргийлэх арга хэмжээг зохион байгуулан дууссан байна.
Мөн 12 малчны 224 толгой үхэрт үзлэг ангилалт хийж, чанар, стандартын шаардлага хангасан үржлийн мал бүхий сүргийн зохистой бүтцийг бүрдүүлэх, хээлтүүлэгч малын хүрэлцээ, дутагдаж буй хээлтүүлэгчийг шинээр нөхөн тавих, үржлийн малын тэжээллэг, арчилгаа маллагааны нөхцлийг сайжруулах, тарга хүчийг бүрэн авахуулах, отор нүүдлийн судалгаанд хамрагдах чиглэлээр мэргэжил арга зүйн зөвлөгөөг малчдад өглөө.

Нийтийн цэвэрлэгээ зохион байгууллаа.

Аймгийн ИТХ-ын дарга, Засаг даргын хамтарсан 2016 оны 08 дугаар сарын 02-ны өдрийн 01/02 тоот албан даалгаврын дагуу Дархан хотын 55 жилийн ойг угтан “Намрын нийтийн цэвэрлэгээ”-г зохион байгууллаа.

Царгас тариалах сургалт боллоо.

14528372_1101294496584610_1465151756_nСолонгос улсын “KOPIA” төслийн хүрээнд Хөдөө аж ахуйн шинжлэх ухааны ололт нэвтрүүлэх төвтэй хамтран “ЦАРГАС ТАРИАЛАХ БОЛОН ЦАРГАСААР МАЛ ТЭЖЭЭХ ТЕХНОЛОГИ”- сэдэвт сургалтыг зохион байгуулж 30 гаруй малчдыг хамруулж, МААЭШХүрээлэнгийн царгас тариалсан талбайн хураалтын үйл ажиллагаатай танилцууллаа.

Аймгийн удирдлагууд өвөлжилтийн бэлтгэл ажилтай танилцлаа.

14483462_1220473321343073_2083573631_nЗДТГ-ын даргын баталсан аймгийн хөдөө аж ахуйн салбарын өвөлжилтийн бэлтгэл ажил, ургац хураалтын явцтай танилцах ажлын удирдамжийн дагуу аймгийн ИТХ-ын дарга, Үйлдвэрлэл дэд бүтэц, хот төлөвлөлтийн бодлого, хууль эрх зүйн асуудал хариуцсан Засаг даргын орлогч, аймгийн ЗДТГ-ын дарга, Хөрөнгө оруулалт, хөгжлийн бодлого төлөвлөлтийн хэлтсийн мэргэжилтэн, Тус газрын дарга, Хонгор сумын Засаг дарга, багийн дарга, холбогдох мэргэжилтнүүдийн бүрэлдэхүүнтэйгээр Хонгор сумын Хурган цэг, 5-р бригад, Их, Бага сэртэн, Углуу, Тарвагатайн даваа, 4-р бригад, Цайдамын хөндий, Цайдам, Хонгор зэрэг газруудаар явж хадлан, тэжээл бэлтгэл болон ургац хураалтын явцтай газар дээр нь танилцлаа. Хонгор сумын өвөлжилтийн бэлтгэл ажил 93,8 хувьтай хангагдсан байна.

“Нээлттэй хаалганы өдөр” нэгдсэн арга хэмжээ

14242494_561639550707357_715870062334256365_oМонгол Улсын Ерөнхийлөгчийн 2007 оны 97 дугаар зарлиг, Засгийн газрын 2007 оны 190 дүгээр тогтоолыг хэрэгжүүлэх, Дархан хотын 55 жилийн ойн арга хэмжээг зохион байгуулах ажлын хүрээнд төрийн үйлчилгээг иргэдэд нээлттэй түргэн шуурхай хүргэх зорилгоор аймгийн хэмжээнд нэгдсэн журмаар зохион байгуулагдах “Нээлттэй хаалганы өдөр” нэгдсэн арга хэмжээнд оролцож үйл ажиллагаагаа олон нийтэд сурталчлах, таниулах ажлыг зохион байгуулж байна. Continue reading ““Нээлттэй хаалганы өдөр” нэгдсэн арга хэмжээ”

Өвөлжилтийн бэлтгэл 2016-09-15

14315650_1209031509153921_1072917363_oМонгол Улсын Засгийн газрын 2016 оны 322 тоот  тогтоол “Хөдөө аж ахуйн салбарын 2016-2017 оны өвөлжилтийн бэлтгэл хангах зарим арга хэмжээний тухай”, ХХААХҮСайдын 2016 оны 01 тоот, Улсын онцгой комиссын 2016 оны 09 дүгээр сарын 06 -ны хурлын тэмдэглэл, “Улсын Мал эмнэлэг, үржлийн газрын 2016 оны 01 тоот, Аймгийн Засаг даргын  2016 оны 03 албан даалгавар”-ыг хэрэгжүүлэхээр зохион байгуулан сумдад чиглэл өгч ажиллаж байна.
Аймгийн хэмжээгээр  өвөлжилт өнөтэй  сайхан орж мал төллөлт,  төл бойжилт хаваржилт хэвийн байснаар 2016 онд оны эхний 138,9 мянган толгой хээлтэгчээс 123,9 мянган  толгой төл хүлээн авч бойжиж байна. Continue reading “Өвөлжилтийн бэлтгэл 2016-09-15”

Өвөлжилтийн бэлтгэл

13866662_549837218531506_1940899677_n (2)“Хөдөө аж ахуйн салбарын 2016-2017 оны өвөлжилтийн бэлтгэл хангах Монгол Улсын  Засгын газрын 2016-2017 оны өвөлжилтийн бэлтгэл хангах зарим арга хэмжээний тухай”  2016 оны 322 дугаар тогтоол, Улсын Мал эмнэлэг, Үржлийн газрын 2016 оны 01 тоот “Албан даалгавар”-ыг  хэрэгжүүлэхээр  зохион байгуулан сумдад чиглэл өгx  ажиллаж байна.

Аймгийн хэмжээгээр өвөлжилт өнөтэй орж эх мал жилбэ сайтай төллөснөөр 2016 онд оны эхний нийт 138,9 мянган хээлтэгчээс 123929   толгой төл хүлээн авч  бойжиж байна. Continue reading “Өвөлжилтийн бэлтгэл”

150 ш бага оврын тракторыг хуваариллаа.

F-250Хадлан тэжээлийн нөөц бүрдүүлэх, төмс, хүнсний ногооны аж ахуйн бага оврын техник, тоног төхөөрөмжийн хангамжийг нэмэгдүүлэх зорилгоор Иргэний хуулийн 262 дугаар зүйл, Хүнс, хөдөө аж ахуйн /ХХАА/-н сайдын 2015 оны 07-р сарын 24-ний өдрийн А/99 дугаар тушаал, Тариалан эрхлэлтийг дэмжих сангийн Удирдах зөвлөлийн 2015 оны 07-р сарын 24-ний өдрийн 08 дугаар тогтоол, Аймгийн  иргэдийн төлөөлөгчдыг хурлын тэргүүлэгчдийн 2016 оны 05-р сарын 30-ны өдрийн 56 дугаар тогтоолыг үндэслэн БНХАУ-д үйлдвэрлэгдсэн нэг бүр нь 5.000.000  төгрөгний үнэ бүхий, анжисны иж бүрдэлтэй FT-250 маркын бага оврын дугуйт тракторыг зээлээр, хүүгүй нөхцлөөр худалдах, худалдан авах гэрээ байгуулан иргэдэд захиалгын дарааллын дагуу олгож байна.  Худалдан авагч нь тракторын үнийг 4 жилийн хугацаанд 4 хуваан хэсэгчлэн төлөх үүргийг хүлээх юм. Аймгийн Засаг даргын батласан хуваарийн дагуу Хонгор-50, Орхон-30, Шарын гол-30, Дархан-25, аймгийн ХХААГ-15 ширхэгийг тус тус хуваарилсан болно.

Мөн энэхүү FT-250 бага оврын дугуйт тракторыг Хэнтий, Дорнодоос бусад бүх аймагт дээрх нөхцөлөөр иргэдэд худалдсан болно.

“Ноосны урамшуулал олгох бодлогын хэрэгжилт, үр дүн цаашидын зорилтыг танилцууллаа.

13413112_1147096958687103_2322294650490084136_nМонголын Ноосон Бүтээгдэхүүн Үйлдвэрлэгчдийн Холбоо, ХХААЯамны Мал Хамгаалах Сан, Аж үйлдвэрийн яам, ШУТИС-ийн Хөнгөн Үйлдвэрийн Судалгаа Хөгжлийн Хүрээлэнтэй хамтран “Ноосны урамшуулал олгох бодлогын хэрэгжилт, үр дүн цаашидын зорилт” сэдэвт сургалтыг зохион байгуулж 4 сумын малчид, хоршоод болон итгэмжлэгдсэн төлөөлөгчдийн 20 гаруй төлөөллийг хамруулж “ЭКО НООС”-ын үйл ажиллагаатай танилцууллаа. Мөн МНБҮХолбооны шагналаар итгэмжлэгдсэн төлөөлөгч Х.Гончигсүрэн, Т.Энхтуяа, “Хонгорын бахархал” хоршоо, Хөнгөн аж үйлдвэрийн 80 жилийн ойн медалиар Хонгор сумын “Шийрийн шугуй”, Орхон сумын “Гурван сэртэн булаг”, “Мөнх арвин дэлгэрэх” хоршоод тус тус шагнагдсан байна.

Малын тэжээлийн ургамал тариаллах технологи сургалт

13412986_1147098798686919_9012629087898628092_nМонгол Улсын Засгийн газар, БНХАУ-ын Засгийн газар, Нэгдсэн Үндэсний байгууллагын ХХААБайгууллагатай хамтран хэрэгжүүлж буй Өмнөд–Өмнөдийн хамтын ажиллагааны Техник туслалцаа үзүүлэх төслийн хүрээнд “Малын тэжээлийн ургамал тариаллах технологи”, Хятад улсын таримал тэжээлийн ургамал төрөл зүйл сэдэвт сертификаттай 2 өдрийн сургалт, танилцах аялалыг зохион байгуулан Сэлэнгэ, Дархан-Уул аймгийн нийт 50 гаруй төлөөлөл оролцон УГТЭШХүрээлэнгийн туршилтын талбай , Шинэ орчин трейд ХХКомпаний өвлийн хүлэмж, Сэлэнгэ аймгийн Жавхлант сумын газар тариалангийн “Бумбат таван толгой ”ХХКомпаний үйл ажиллагаатай танилцууллаа. Мөн сургалтаар тэжээлийн үйлдвэрийн талаар Хятад Улсын мэдээлэл сонсов.

Create a free website or blog at WordPress.com.

Up ↑